鋒面留佇台灣北部海面，北部佮金門馬祖會短暫陣雨抑是雷公si-na，特別是因為熱力作用關係，山區可能會落大雨，氣象局講，今天各地天氣仝款足漚悶熱，西半部高溫衝甲35度，其中因為西南風沈降影響，氣象局針對台北市、高雄市、台東縣發布懸溫黃燈資訊，今仔日台北市，台東、高雄倚山區，攏有可能衝甲超過36度的高溫。

夜市仔小吃，毋但愛好食，閣愛有話題，予人注意。台北內湖737商圈，1號辦鹹甜料理對決，找土耳其佮韓國籍的YouTuber翕影片，紹介在地鹹的點心，佮甜點心，紲落來予七千外e民眾，佇網路投票，看覓逐家到底較愛食鹹，抑是較愛食甜的。

苗栗市嘉盛社區，在地百姓為著迎接五日節，發揮創意，以白蛇傳做主題，用46斤糯米做兩尾，長度超過5公尺的白蛇和青蛇，閣揣樹枝佮樹葉仔來布置，予這兩尾蛇佇樹仔頂趖，看起來若活跳跳仝款！

台東有民眾拍下，天空中，雲共日頭包起來，有金光閃閃，瑞氣千條！形狀具特殊，彷彿是西遊記裡，孫悟空的筋斗雲！氣象站表示，這種雲類，大約兩千公尺高，在春夏真四常看會著，尤其是吹焚風的時候，閣較會出現。

結婚桌愈開愈濟間，濟甲踢倒街，民眾開始愛去室內餐廳喝喜酒，吹冷氣享受設備，真濟傳統煮食的業者，因為業績一直落，規氣收起來。彰化有一e總舖師，推海產出菜表演，抱一隻足大隻活化石魚，佇食飯桌行來行去，慢慢仔紹介，推大碗閣滿墘的菜色，滿滿一桌海產，八千箍，予民眾呵咾甲會觸舌，實在俗閣大碗！

嘉義縣政府連同農會，昨天辦優良春茶頒獎，其中特等獎阿里山茶，每斤喊到8萬元，金萱茶喝甲一斤4萬。一年一度的春茶頒獎展售會，在梅山公園熱鬧登場，獲獎的茶農，歡喜上台領獎，去年氣候影響，引起春茶產量無按算這濟，品質仝款真好，市場賣甲無貨，引起價數夯起來，煩惱有人賣假貨，特別做有產區數位辨識系統。縣長翁章梁，特別在外包裝親筆簽名，保障消費者和茶農的權益。

屏東墾丁有一e船長，逐家叫伊"郎哥"，飼真濟寶貝動物，其中一隻梅花鹿「斑比」，對細隻飼甲大隻，感情峇峇峇，斑比對斷奶開始，到今1歲7個月大了，普通時嘛愛綴主人坐船出海，郎哥定定毛鹿仔囝，se街展風神，欲予逐家知影，墾丁梅花鹿的復育，足成功。

高雄國立中山大學，頂禮拜月底半暝仔，雄雄有一群台灣猴山仔，走入去學校，佇出業典禮的布帆頂面，爬上爬落，損蕩會場，事後學校共監視器畫面，PO佇人臉書，引起一寡學生話言，有人講，"原來猴山仔才是in的先輩"，嘛有人講親像"猴山仔大鬥水晶宮"，獼山仔大鬧出業典禮的會場，予讓這改出業學生，有一e特別的回憶。

為著欲罰歹厝主，保障租厝的人，租厝新制度，新曆6月1日正式開始，消保處規定押金袂使提超過兩個月，厝主袂使毋予租厝的人遷戶籍，嘛袂使無愛予人報稅，這個月開始，算電錢，嘛袂使超過台電熱天用電量上高的標準，若是違規，厝主上重愛罰30萬。

高雄市長韓國瑜今天到議會備詢最後一天，議員李喬如質詢時把所有官員請出議場，讓韓國瑜不滿和李喬如對嗆，來看看稍早前的狀況