公費流感疫苗 今年恐到11月中到貨

頂個流感大湠，到今情形嘛無較改善，過去公費流感疫苗攏是新曆十月一日開始注，去年延到十月中，今年恐怕會閣延甲11月。疾管署講，今年世界衛生組織，流感疫苗選株會議，延一個月公布結果，引起規世界生產閣有供貨時間攏延較短，毋但台灣，其他國家嘛影響著，按算台灣下個月流感大湠的時間，上緊一批到貨的疫苗恐怕愛等甲十一月中，敢會影響控制疫情閣愛觀察。